Subhe ki dhup se jyada mujhe sham ke rang pasand hai
Subhe jaise ek nayi ummed ki kiran lati hai jivan me
To wahi dhalta hua suraj ye dilasa deta hai ki aj ka din samapt hua ,
tumne ek aur din jiya, apni mushkilo ka dat ke samne kiya,
ab iss dhalte hue suraj ki tarah tum bhi aaram kro aur asha karo ane wala kal suhana ho aur agar na ho to bhi wahi kro jo tumhe krna chahiye jaise ki badalo ke bich se bhi aur tufano me bhi suraj to waise hi roshani deta hai jaise use deni chahiye .
Ye aur baat hai ki hum use dekh nae pate par usse uska mahatav kuch kam nae hota blki aur badh jata hai.
By : Jaspreet (@jess_words)